diary of 26dec05 - 1jan06

1Jan06

祝大家新年快樂呀下…今日番到家即刻訓覺…
十點幾訓到五點左右…冇去補堂呢！

- 其實搭車番到匯景果時…
不停都諗"其實每天都係積極奮發ge開始,今朝仲係一年入面ge第個朝早，
更加應該積極！"…之後/////就開始對前途ge憂心喇……
其實D學科…尤其西史…好難有個立足點比我去努力…
開左學四個月喇….....仲係咁冇把握....點入大學牙？
我應承過自己…應承過好多人....要入到U...但係....
那個方法.....我似乎還沒有找到.........

今晚阿媽煮ge 闊條麵 + 羊扒 / 牛扒大餐超正！

夜晚睇"The Wizard of Oz"超正！自己本身對呢D野有興趣！
終於有機會睇~

linkage :
http://thewizardofoz.warnerbros.com

--------------------------------------------------------------------
31dec05

今日玩下玩下咁樣…六點左右就出門口啦，
今晚一大班"中學舊同學"去楓楓好豪ge屋企度食下野，
玩下，倒數咁樣。


打下邊爐咁樣，打下winning9咁樣，幾個月未打過winning，
又未打過winning9，勁難控制呀！~


之後我地又玩下"全部人都係KK教ge" "6,8,9，飲到嘔"
哇…我同阿震一開始就飲左幾多喇~，但幾好玩呀！

我都打左陣牌，
但我實在太弱喇，輸左幾多跟住要人幫！~

鄺世唔知做乜野又飲左好多…結果湯左幾次…
我同阿ray要係咁照顧佢…~~~佢個露台竇口全都是充滿
嘔吐物的報紙……-___-

隆，大孖佢地買番D budwis番黎，但我地好快又清晒咯，
我地玩四門ge接龍…仲有個唔知叫乜名…上次我地落酒吧都有玩ge！


呢D中學同學聚會就唔可以唔到ge，無論有乜人到，雖然之前唔肯定，
但係都一定要到一到ge！~！~！~
一定要好好維持！！

---------------------------------------------------------------------------

28dec05
今晚其實本應同阿招出黎ge，但佢要買電腦所以又搞到唔係好得咁樣，
結果就同番三位家人去食飯，大家都唔知去邊度食ge時候，
又唔洗我出錢，結果我就話去"意粉屋"喇！

D野真係好好味牙！但都幾貴牙~！正方形張相ge牛油果飯最好味！

樣樣都好味咁濟，之後我就同阿招出番黎喇，因為佢之後果幾日
應該都唔太得閒呢！~

咁我同佢就先去Jusco買野食，之後去Muji出面果個公園度座(原本想)，
但去jusco買野食個feel超正~之後落雨，結果去左匯景座喇，

買左好多野食呀，~D野飲又幾好飲！
我同佢都鐘意飲Starbucks果隻Vanilla果隻野飲，
座到三點鐘左右，佢上黎我屋企去個toliet後，
大孖落黎，我地傾多陣就去打千秋喇~

我唔識打-_-
之後佢番番去咯~~~
唔開心就冇乜…但覺得時間覺得好快囉！
阿招，好快就要走咯，我無意要加添自己ge負面情緒，
但係真係無法想像遲D 6A冇左佢會點呢…
希望我地keep住感情都會好好吧！

---------------------------------------------------------------------------

27dec05

今朝早10:00就要去到法國醫院覆診睇牙-___-
唔，今次唔知點解特別難頂咁，可能最後一次吧！

走果時終於有機會用番正式DC影下上次"被逼"要用
手機影ge超正素材喇！


呢D相我本人超鐘意，係呢幾個月最滿意ge相之一，
一定要留黎日後好好運用！

----------------------------------------------------------------------------
26dec05

今日晏奏左右舅父果D就上左黎喇，
今日係個"母系親"家庭gathering呢！

寶兒而家超得意呀！
而家阿姨佢地成家都外國人咁，
舒兒同阿姨最似！

------------------------------------------------------------

放假呢幾日，都去左法蘭度兩次，
買左"自然捲 - C'EST LA VIE Vol.2"
"False Alarm - The Time Is Coming"同"oliver - Grace"
哇，好支持本地音樂呀！哈哈哈~

成個假期...都冇乜點溫過書...
衰自己...冇乜心機溫書...頂....

唉.........咁樣點入U？點搵好工點賺錢？....

唉//////